كنت صغيره وعشت طفوله ماهيب هذاك الزود ،، انكرفت وانلعن خامسي ومع ذلك عشتها ،، لعبت مع عيال الحاره مصاقيل ، كوره ، زحليقه في عز القايله بعد مارجع من المدرسة واهلي مقيليين ،، تقريبا اقدر اقول اني عشت طفولتي ،، طبعا كانت الزحليقه من اهم ممارستي الطفوليه بشكل يومي لانها عباره عن لعبه مثيره لي ،، طبعا بزر ومثيره بكلام البزران يعني وناسه ،، ماعلينا
ليه كانت مثيره ؟!
لانها كانت تتطلب وقت وجهد ،، وهالشيئين كانوا صعبين على شلتي يسوونها ،، فما كان فيه الا انا ،، البنت الوحيده الشهباء بينهم
حامد ، محمد ، بندر اخوي اللي اصغر مني بسنه ( دليل ان امي فاطمتني من عقب الاربعين ) ، وفهاد।
فاذا بغوا يلعبون مافيه الا انهم ينادووني من عقب ماارمي شنطتي بالبيت وانزل جزمتي الله يعزكم وشراباتي او ادلاغاتي على قولة اخوانا الكوايته عشان اروح للبقاله في عز القايله حافيه ( رمضاء ) واخذ منها كراتين بيبسي ( فاضيه طبعا ) ويكونون اهم مجهزين ومختارين دحديره عند احد ابواب البيوت المجاوره ( اهم شي ان هالبيت اهله مقيليين مثل اهلي عشان ماننطق ) ونبدا لعبتنا
طبعا اول واحد حامد بعدين بندر بعدين انا واذا الكرتون ماتقطع ممكن يلعب محمد او فهاد وغالبا مايلعبون
واللعبه تكون ان واحد يقعد فوق الكرتون ويجي الثاني يدفه ويتزحلق الين يوصل الشارع
بس هاللعبه ماطولت وانا امارسها لاني مره من المرارير اتفلسفت انا واخوي بندر وبدال مانستخدم كرتون او صحن استخدمنا الدراجه الناريه
السيكل ، كان اربع طعش و فيه مسجل صغير ملزق بفن الشطرطرن ، وكان الاول كالعاده بندر وانا اللي ادفه من الدحديره عشان ينبسط
مييييير وادفه ،،، مادريت الا سيارة جارنا ماشيه مليون ويدخل بنيدر بحركه غير مقصوده مني تماما تحت السياره وتكون الصاعقه وانزل بسرعة البرق من الدحديره حتى وصلت لحلق جارنا
هيه انت ليش تدعس اخوي؟!
وجاني رده قاسي ( روحي يابنت الكلب وقولي لاهلك ان اخوك معي ورايح به المستشفى )
ابشركم اخوي مازال حي يرزق وعايش حياته مثل مايبي
بس انا اكلت تبن
انحبست والطفوله اللي كنت اعتبرها طفوله راحت ومشت وعيوني تتبعها وعيوني تتبعها
*****
ملاحظه : لم اكن مجرد طفله
*****
وبعد الطفوله من الطبيعي ان تأتي مرحله المراهقه بسرعه فائقه ،، عشان تختصر حياتك تقول اني ابي اكون مراهق ،، لان مافي مجال غير هالمجال تعيشه ،، قررت اني اكون مراهقه وانا بسادس ابتدائي
كانوا بالمدرسه يلبسونا العبايه والغطوه غصب مو بالطيب ،، وكنت انا الوحيده اللي مبسوطه
حسيت اني بطله وصرت البس هالغطوه وهالعبايه في اي مكان وفي اي مناسبه رغم ان اهلي حايمه اتسبودهم من هالقرار الا اني مشيته
ومحد يقدر يقول لا ،، لان اذا قال لااا ،، بينلعن خيره من جدتي ام ابوي اللي اربعه وعشرين الف ساعه باليوم حاطه اذاعة القرآن وتناديني كل مغرب عشان اسمع نورررررررر على الدرب ،، كنت شاده الظهر وعايشه مراهقتي
صحيح كنت اشتاق للسربته والدوجه بالشوارع بس كان في شي جواتي يقول ترى هالشله اللي انتي ملتمه عليهم ماوراهم الا الفلس
سبحان الله من كنت بزر ولي قناعات معينه بالناس حتى لو انهم اهلي
******
عاشر من تبي بس ترى لابد من الفراق
*******
المهم مالكم بالطويله
في عز مراهقتي اتفوقت وحفظت جزء من القرآن ،، ماهو خير فيني بس من كثر مااقعد مع جدتي ،، ملاذي الوحيد
ونجحت بسادس وماامداني انجح واحس اني حققت شي كبير في حياتي الا قالوا ترى يمكن ماتدرسون السنه الجايه بالمتوسط ،،،، افااااا
ليه بنطول في اجازه الصيف ،،، فيه امل نصيف في باريس يعني
طبعا باريس هاذيك الايام كانت مجرد صوره بالنسبه لي ولجذور عائلتي كلهم ،، اصلا كنت احسبها كذبه وو كنت احسب مافيه غير الرياض
كان اطلق صيفيه بالنسبه لنا القويعيه وتخب بعد
المهم
ليه
وش فيه
قالوا انطمي حنا في حرب
وشو حربه
قوومي بس وروحي البقاله وجيبي شطرطون
الكويت انسلبت والكيماوي بيذبحنا
وترى ريحته تشبه ريحة البصل
كل هالمعلومات والاوامر جت خلال دقيقه من النقاش
ترى قلت نقاش عشان اخفف على نفسي لاني الين الحين وانا اعرف سبب حماقتي اهو اسلوب القاء المعومه وتلقيها من اهلي
راح ابوي الخفجي وبدت الونانات واستعراض الصواريخ بالسطوح وعشنا
خلال هالايام تمنيت اني ارجع لطفولتي اللي انا مازلت فيها واشيل برستيج المراهقه
لان جيرانا اللي قدامنا جداد وعيالهم يلعبون العاب غريبه عجيبه وكويتيين
يعني شله جديده وعالم جديد
لازم اقتحمه
بس بما اني ذكيه نوعا ما قلت يابنت صعبه تقولين لاهلك ماتبين الغطوه والعبايه بعد اصرارك عليها
شلون
ياربي شلون
الا وقالوا ترى بتدرسون مع اخوانكم الكويتين وياويلكم لو احد يقول لهم كلمه وحده شينه
اعتبريهم خواتك
سمي يمه ،، طيب واخوانهم ،، مووو اخواني بعد ؟
انطمي انتي مالك دخل بالعيال ،،، رد صريح من امي وبزاوية تسعين
طيب طيب مو مشكله
رايحه وراجعه مع بنات الجيران ،، طبعا البنات كانوا اخر همي ،، كان اهم شي مشاري وش يحب وش يلبس ،، متى يصحى من نومه
كل هالاخبار اخذها من الخوات او من مرسول الحب بندر
طبعا ماكان مشاري بالفورمه ،، مايدري اني خاقه ،، فجاءه من الفجاءاااات تحول طموحي من لعب ومعرفة اي دحديره كان يتزحلق عليها بالكويت الى حب من طرف واحد،،،،،،،
والله ياانا اكلت على راسي من هالحب ...
كان بندر لمى يزعل مني يبلغ امي اني اوقف عند الباب ،، والا يقول لها ترى بنتك ماتكنس الحوش لله في الله ،، كانت تخلي باب الشارع مفتوح وتسوي نفسها تكنس ،،، كانت ترجع مع بنات جيرانا على رجلها من المدرسه عشان تشوف مشاري واقف عند الباب او يفتح الباب لخواته ،،، ( ولا عمره سواها بس انا كنت اشتكي لبندر واوقول له وش هالاخو اللي ماعمره فتح الباب لخواته ) وعاد الله لايوريكم العقاب اللي يجيني من ورى زعلة هالاخوو ،،
وفي يوم من الايام الخوالي قالت لي ابنة جارنا ،، عيد ميلادي باجر ،، حياج ،،،
قلت تم مايبيلها كلام انا اول من بيجيكم ،، رغم اني اول مره اسمع بهالعيد ،، قالت انزين مو تنسين اتقولين حق امج ،،،
قلت ماعليك ،، خليها علي
وتقدير لهذا اليوم ماخليت شي مالبسته ،، ماخليت شي ماسويته ،، اعمامي اللي بالقويعيه دروا اني بروح من قوة التجهيزات اللي سويتها ،،،
وجاء وقت العيد والحفله
هاه يمه تبين شي ؟
وين طاسه بدون عبايه وغطوه ؟ كانت تسئل والغضب في عينيها
وبكل قوه وبجاحه ارد
وشو عبايته وشو غطوته
تراني بزر
مصدقه اني كبرت ؟
وبعدين يايمه لاتفشليني انا رايحه لحفله عند ناس اجانب ،،، !!!!!!!!!
اقووول البسيها والا ترى مافيه روحه ،،، قالتها واهي منسدحه ترضع اخوي اللي توه مولود ،، علي فكره كان ابوي يبي يسميه باتريوت بس قالوا له الخلااااا ،، عادي عادي لاتدققون ،، ابوي كان متحمس عشان بيعطونه وسام مدري نوط التحرير
المهم اني بلعت العافيه ولبست العبايه والغطوه ،، بس ماانحرم من شوفة حبيب الالب مازولا (مشاري )
ورحت الحفله ،، لاعادها الله من حفله اللي طول الوقت انا بغطوتي وعبايتي والناس تلزم على انزلها وانا ارفض ،، طبعا ماهو خير فيني كالعاده لكن من الخوف ،، لا انضرب ويبلغ عني التبن اخوي اللي كان مفهي مع الكيك ،، تقول عمره ماشاف كيك بحياته ،، وش هالعايله اللي مفشلتني بكل مكان ،،،
وفي هذه الحفله عرفت ان مشاري حاقرني ولاهوب يمي لدرجة اني قلت انه كافر ،، شلون يعزف على الاورج مدري الاورق ،، من القهر جاء تاثير الدين اللي على كيفي ،،، متى مابي اطلعه اطلعه ،، حسيت للمره الثانيه ان هالشله ماوراها الا الفلس ،، ومازلت املك بعض القناعات عن الناس ،،،،،،
اتحررت الكويت وراحوا جيرانا والتهيت بالدراسه وبحياتي بالمتوسط ،،،،
وهناك تتمه لمن يهمه امري
ليه كانت مثيره ؟!
لانها كانت تتطلب وقت وجهد ،، وهالشيئين كانوا صعبين على شلتي يسوونها ،، فما كان فيه الا انا ،، البنت الوحيده الشهباء بينهم
حامد ، محمد ، بندر اخوي اللي اصغر مني بسنه ( دليل ان امي فاطمتني من عقب الاربعين ) ، وفهاد।
فاذا بغوا يلعبون مافيه الا انهم ينادووني من عقب ماارمي شنطتي بالبيت وانزل جزمتي الله يعزكم وشراباتي او ادلاغاتي على قولة اخوانا الكوايته عشان اروح للبقاله في عز القايله حافيه ( رمضاء ) واخذ منها كراتين بيبسي ( فاضيه طبعا ) ويكونون اهم مجهزين ومختارين دحديره عند احد ابواب البيوت المجاوره ( اهم شي ان هالبيت اهله مقيليين مثل اهلي عشان ماننطق ) ونبدا لعبتنا
طبعا اول واحد حامد بعدين بندر بعدين انا واذا الكرتون ماتقطع ممكن يلعب محمد او فهاد وغالبا مايلعبون
واللعبه تكون ان واحد يقعد فوق الكرتون ويجي الثاني يدفه ويتزحلق الين يوصل الشارع
بس هاللعبه ماطولت وانا امارسها لاني مره من المرارير اتفلسفت انا واخوي بندر وبدال مانستخدم كرتون او صحن استخدمنا الدراجه الناريه
السيكل ، كان اربع طعش و فيه مسجل صغير ملزق بفن الشطرطرن ، وكان الاول كالعاده بندر وانا اللي ادفه من الدحديره عشان ينبسط
مييييير وادفه ،،، مادريت الا سيارة جارنا ماشيه مليون ويدخل بنيدر بحركه غير مقصوده مني تماما تحت السياره وتكون الصاعقه وانزل بسرعة البرق من الدحديره حتى وصلت لحلق جارنا
هيه انت ليش تدعس اخوي؟!
وجاني رده قاسي ( روحي يابنت الكلب وقولي لاهلك ان اخوك معي ورايح به المستشفى )
ابشركم اخوي مازال حي يرزق وعايش حياته مثل مايبي
بس انا اكلت تبن
انحبست والطفوله اللي كنت اعتبرها طفوله راحت ومشت وعيوني تتبعها وعيوني تتبعها
*****
ملاحظه : لم اكن مجرد طفله
*****
وبعد الطفوله من الطبيعي ان تأتي مرحله المراهقه بسرعه فائقه ،، عشان تختصر حياتك تقول اني ابي اكون مراهق ،، لان مافي مجال غير هالمجال تعيشه ،، قررت اني اكون مراهقه وانا بسادس ابتدائي
كانوا بالمدرسه يلبسونا العبايه والغطوه غصب مو بالطيب ،، وكنت انا الوحيده اللي مبسوطه
حسيت اني بطله وصرت البس هالغطوه وهالعبايه في اي مكان وفي اي مناسبه رغم ان اهلي حايمه اتسبودهم من هالقرار الا اني مشيته
ومحد يقدر يقول لا ،، لان اذا قال لااا ،، بينلعن خيره من جدتي ام ابوي اللي اربعه وعشرين الف ساعه باليوم حاطه اذاعة القرآن وتناديني كل مغرب عشان اسمع نورررررررر على الدرب ،، كنت شاده الظهر وعايشه مراهقتي
صحيح كنت اشتاق للسربته والدوجه بالشوارع بس كان في شي جواتي يقول ترى هالشله اللي انتي ملتمه عليهم ماوراهم الا الفلس
سبحان الله من كنت بزر ولي قناعات معينه بالناس حتى لو انهم اهلي
******
عاشر من تبي بس ترى لابد من الفراق
*******
المهم مالكم بالطويله
في عز مراهقتي اتفوقت وحفظت جزء من القرآن ،، ماهو خير فيني بس من كثر مااقعد مع جدتي ،، ملاذي الوحيد
ونجحت بسادس وماامداني انجح واحس اني حققت شي كبير في حياتي الا قالوا ترى يمكن ماتدرسون السنه الجايه بالمتوسط ،،،، افااااا
ليه بنطول في اجازه الصيف ،،، فيه امل نصيف في باريس يعني
طبعا باريس هاذيك الايام كانت مجرد صوره بالنسبه لي ولجذور عائلتي كلهم ،، اصلا كنت احسبها كذبه وو كنت احسب مافيه غير الرياض
كان اطلق صيفيه بالنسبه لنا القويعيه وتخب بعد
المهم
ليه
وش فيه
قالوا انطمي حنا في حرب
وشو حربه
قوومي بس وروحي البقاله وجيبي شطرطون
الكويت انسلبت والكيماوي بيذبحنا
وترى ريحته تشبه ريحة البصل
كل هالمعلومات والاوامر جت خلال دقيقه من النقاش
ترى قلت نقاش عشان اخفف على نفسي لاني الين الحين وانا اعرف سبب حماقتي اهو اسلوب القاء المعومه وتلقيها من اهلي
راح ابوي الخفجي وبدت الونانات واستعراض الصواريخ بالسطوح وعشنا
خلال هالايام تمنيت اني ارجع لطفولتي اللي انا مازلت فيها واشيل برستيج المراهقه
لان جيرانا اللي قدامنا جداد وعيالهم يلعبون العاب غريبه عجيبه وكويتيين
يعني شله جديده وعالم جديد
لازم اقتحمه
بس بما اني ذكيه نوعا ما قلت يابنت صعبه تقولين لاهلك ماتبين الغطوه والعبايه بعد اصرارك عليها
شلون
ياربي شلون
الا وقالوا ترى بتدرسون مع اخوانكم الكويتين وياويلكم لو احد يقول لهم كلمه وحده شينه
اعتبريهم خواتك
سمي يمه ،، طيب واخوانهم ،، مووو اخواني بعد ؟
انطمي انتي مالك دخل بالعيال ،،، رد صريح من امي وبزاوية تسعين
طيب طيب مو مشكله
رايحه وراجعه مع بنات الجيران ،، طبعا البنات كانوا اخر همي ،، كان اهم شي مشاري وش يحب وش يلبس ،، متى يصحى من نومه
كل هالاخبار اخذها من الخوات او من مرسول الحب بندر
طبعا ماكان مشاري بالفورمه ،، مايدري اني خاقه ،، فجاءه من الفجاءاااات تحول طموحي من لعب ومعرفة اي دحديره كان يتزحلق عليها بالكويت الى حب من طرف واحد،،،،،،،
والله ياانا اكلت على راسي من هالحب ...
كان بندر لمى يزعل مني يبلغ امي اني اوقف عند الباب ،، والا يقول لها ترى بنتك ماتكنس الحوش لله في الله ،، كانت تخلي باب الشارع مفتوح وتسوي نفسها تكنس ،،، كانت ترجع مع بنات جيرانا على رجلها من المدرسه عشان تشوف مشاري واقف عند الباب او يفتح الباب لخواته ،،، ( ولا عمره سواها بس انا كنت اشتكي لبندر واوقول له وش هالاخو اللي ماعمره فتح الباب لخواته ) وعاد الله لايوريكم العقاب اللي يجيني من ورى زعلة هالاخوو ،،
وفي يوم من الايام الخوالي قالت لي ابنة جارنا ،، عيد ميلادي باجر ،، حياج ،،،
قلت تم مايبيلها كلام انا اول من بيجيكم ،، رغم اني اول مره اسمع بهالعيد ،، قالت انزين مو تنسين اتقولين حق امج ،،،
قلت ماعليك ،، خليها علي
وتقدير لهذا اليوم ماخليت شي مالبسته ،، ماخليت شي ماسويته ،، اعمامي اللي بالقويعيه دروا اني بروح من قوة التجهيزات اللي سويتها ،،،
وجاء وقت العيد والحفله
هاه يمه تبين شي ؟
وين طاسه بدون عبايه وغطوه ؟ كانت تسئل والغضب في عينيها
وبكل قوه وبجاحه ارد
وشو عبايته وشو غطوته
تراني بزر
مصدقه اني كبرت ؟
وبعدين يايمه لاتفشليني انا رايحه لحفله عند ناس اجانب ،،، !!!!!!!!!
اقووول البسيها والا ترى مافيه روحه ،،، قالتها واهي منسدحه ترضع اخوي اللي توه مولود ،، علي فكره كان ابوي يبي يسميه باتريوت بس قالوا له الخلااااا ،، عادي عادي لاتدققون ،، ابوي كان متحمس عشان بيعطونه وسام مدري نوط التحرير
المهم اني بلعت العافيه ولبست العبايه والغطوه ،، بس ماانحرم من شوفة حبيب الالب مازولا (مشاري )
ورحت الحفله ،، لاعادها الله من حفله اللي طول الوقت انا بغطوتي وعبايتي والناس تلزم على انزلها وانا ارفض ،، طبعا ماهو خير فيني كالعاده لكن من الخوف ،، لا انضرب ويبلغ عني التبن اخوي اللي كان مفهي مع الكيك ،، تقول عمره ماشاف كيك بحياته ،، وش هالعايله اللي مفشلتني بكل مكان ،،،
وفي هذه الحفله عرفت ان مشاري حاقرني ولاهوب يمي لدرجة اني قلت انه كافر ،، شلون يعزف على الاورج مدري الاورق ،، من القهر جاء تاثير الدين اللي على كيفي ،،، متى مابي اطلعه اطلعه ،، حسيت للمره الثانيه ان هالشله ماوراها الا الفلس ،، ومازلت املك بعض القناعات عن الناس ،،،،،،
اتحررت الكويت وراحوا جيرانا والتهيت بالدراسه وبحياتي بالمتوسط ،،،،
وهناك تتمه لمن يهمه امري
